القاعدة
هنعمل ٢٠ سلسلة وبعدها نرتفع سلسلة واحدة ونشتغل غرزة حشو فوق كل غرزة سلسلة.
في آخر سلسلة هنعمل ٤ غرزة حشو ونلف الشغل ونعمل غرزة حشو فوق كل غرزة حشو وفي آخر غرزة هنعمل ٤ غرزة سلسلة مش غرزة واحده.
هنستمر بنفس الطريقة بحيث في كل دوران نزيد ٤ غرزة حشو في كل سطر عن المطر اللي قبله بمعنى لو اول دوران فيه ٤ غرزة حشو يبقى الدوران اللي بعده هيكون ٨ واللي بعده ١٢ وهكذا.
هنستمر بنفس الشكل لغاية حجم قاعدة الشنطة اللي محتاجينها فلو عايزين شنطة كبيره هنكبر القاعدة ولو صغيره هنصغر القاعده.
جسم الشنطة
علشان نبدأ نرتفع بالشنطة هنعمل غرزة حشو فوق كل غرزة حشو بس في الجزء الخلفي فقط من الغرزة.
هنعمل من ٣٠ الي ٣٥ سطر غرزة حشو فوق كل غرزة حشو حسب الطول اللي عايزينه.
ونقفل السطر بمنزلقة ونقفل الشغل.
الايدين
هنعمل ٣ سلاسل وندخل في تاني سلسلة وناخذ لفة وندخل في السلسلة الأولى وناخذ لفة هيكون عندنا ٣ لفات على الابره.
نفلت لفتين منهم من على الابره ونشتغل اول لفة وبعدها ندخل لفة من اللفتين اللي سحبناهم من الابره ونشتغلها وبعدين ندخل اللفة التانية من اللفتين اللي سحبناهم هيكون عندنا برضه ٣ لفات.
هنكرر اللي عملناه لغاية الطول المناسب ونقفل الشغل.
هنركب الحلقات في الايد والشنطة وبكده نكون خلصنا الشنطة
وتعيشوا وتدوبوا
تعليقات
إرسال تعليق