جسم الشنطة
هنعمل من ٢٥ الي ٣٠ سلسلة حسب سمك الخيط.
نعمل غرزة حشو فوق كل سلسلة وفي الغريزة الأخيرة نعمل ٤ غرز حشو.
ندور الشغل ونشتغل غرزة حشو فوق كل غرزة وفي الغريزة الأخيرة نعمل ٤ غرز حشو.
نستمر بالطريقة دي بحيث كل سطر نزود ٤ غرز حشو من الجنبين لغاية ما نخلص قاعده الشنطة بالمقاس اللي عايزينه.
نعمل غرزة حشو فوق كل غرزة حشو بس في الطرف الخلفي فقط من الغرزة.
نعمل غرزة حشو فوق كل غرزة حشو بدون تزايد لغاية ما نوصل للارتفاع اللي محتاجين ونقفل بمنزلقة ونقفل الشغل.
غطاء الشنطة
نعمل ١٥ سلسلة ونعمل غرزة حشو فوق كل غرزة حشو وفي آخر غرزة هنعمل ٤ غرز حشو ونشتغل غرزة حشو فوق كل غرزة حشو لغاية اخر السطر.
نرتفع سلسلة ونرجع بالشغل بمعنى اننا مش هنشتغل دوران لان الدوران هيكون من ناحية واحده.
وزي طريقة قاعدة الشنطة هنزود ٤ غرز حشو في كل مره بس المرة دي من جنب واحد بس
هنستمر بنفس الطريقة لغاية مقاس الغطا اللي محتاجين.
هنخيط الغطا في ظهر الشنطة بحيث يكون في النصف بالظبط
حزام الظهر
هنعمل سلسلة حوالي ١٠٠ سم
هنشتغل على كل سلسلة غرزة حشو ونعيد ٣ او ٤ سطور حسب العرض اللي عايزينه وممكن نعملها لونين وممكن لون واحد.
طريقة عمل الوردة من هنا https://baitelcrochet.blogspot.com/2020/06/18.html
تعليقات
إرسال تعليق